買波衫撐愛隊!超級球迷必到旺角「Real Glory Football Shirt」球衣專門店

買波衫撐愛隊!超級球迷必到旺角「Real Glory Football Shirt」球衣專門店

Share :

一提起睇波,除咗四年一次舉辨嘅世界盃之外,幾乎所有香港球迷都會即刻諗起英超!

「我撐利記… 曼城仲勁喎… 紅魔先夠血性…」一班波友,每星期茶餘飯後總有講唔完嘅足球話題!至於球迷會點樣撐自己嘅愛隊?著愛隊嘅波衫撐球會,肯定係最俱代表性嘅象徵之一。

買波衫球衣去旺角▲ 圖像來源 : www.premierleague.com

香港消費者情報今期為大家挑選咗一間位於旺角、廣為波友熟識嘅球衣專賣店 – Real Glory Football Shirt

(以下簡稱為 Real Glory)

Real Glory 係由一班熱愛足球嘅波友喺 2014 年成立,訪問幾位老闆果時,佢哋表示… 以前後生每個星期都會落街場踢三四晚波,顛峰時期踢完甚至仲可以一晚直落通宵睇三場波,覺都唔訓第日直接返工… 因為佢哋真係好鍾意足球。

仲話雖然依加個肚腩大咗唔少,但就算同麥巴比同場都可以一較高下喎……
(下刪一萬字) XD

▲ Real Glory 旺角門市波衫列陣

買波衫球衣去旺角▲ 利物浦球衣 / 曼聯球衣

▲ 巴塞隆拿球衣 / 皇家馬德里球衣

入返正題,小編都算叫做資深球迷,但發現幾位 Real Glory 老闆真係好熟足球同波衫。原因係佢哋除咗販賣熱門聯賽波衫之外,仲有做埋自家設計組隊球衣!好多學界、業餘比賽嘅波友,都會搵佢哋訂製組隊波衫,所以連同球衣嘅物料佢哋都會研究到好深入,甚至玩到連龍門手套、波BOOT 都可以繡名 / 繡球員號碼!

除咗英超、西甲等大型聯賽波衫價格優惠,設計獨特嘅泰國聯賽、甚至南美巴西同阿根廷球會嘅冷門球衣, 仲有珍貴落場版球衣,Real Glory 門市均有出售。

▲ 繡名突顯個人風格

▲ 齊撐香港足球

另外,Real Glory 對香港本地足球一樣不遺餘力,經常推出各種各樣嘅「我撐本地波」產品,原來佢哋亦有替港超聯甲組球會印製球衣。幾位老闆不約而同都話,雖然知道大家都鍾意睇英超,但絕對唔可以忘記香港一班好努力嘅足球員,大家都係香港人,一定要多多支持!

港超聯(香港超級聯賽,Hong Kong Premier League)部份隊伍球衣 Real Glory 門市有售,香港人記得要支持返香港人、一齊撐本地波!

▲ 圖像來源 : 冠忠.南區足球會

▲ 圖像來源 : 愉園足球隊

資料補充:
Superfans – Real Glory Football Shirt 為香港超級聯賽甲組球會「冠忠.南區足球會」及「愉園足球隊」
球衣印製合作單位

 

【Real Glory Football Shirt】

門市地址 :
旺角西洋菜南街 5 號好望角大廈 20 樓 03 室 (西洋菜街百老匯劇院對面)

營業時間 :
星期一至六 14:00-20:30 / 星期日 15:00-20:00

FB / IG :
www.facebook.com/realgloryfs
www.instagram.com/realglory_superfans
 

▸ 歡迎按此查詢 ◂
WhatsApp – Real Glory


訂閱「英、美、中、日、韓、台」最新外國購物資訊!定期為你送上全球優質商店至平優惠情報!


ShoppingSquare HK

現今世界全球一體化、網上資訊發達,購物早已不再局限於本地!我們搜羅全球優質商店情報,讓你輕鬆安坐家中,透過手機暸解全球優質貨品及服務情報!